مــنــتــدى أ/إبــراهــيــم الـجـابــرى
 
الرئيسيةالتسجيلدخول

شاطر | 
 

 هى دى مصر من نظر العفاريت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ModY_TheKing
إدارة الــــمـــنـــتـــدى
إدارة الــــمـــنـــتـــدى
avatar

عدد المساهمات : 54
تاريخ التسجيل : 05/02/2010
العمر : 21
الموقع : WwW.ElGabrY.Tk

مُساهمةموضوع: هى دى مصر من نظر العفاريت   السبت فبراير 06, 2010 11:11 am



شُبيك لُبيك


لقيت الفانوس مرة ودعكته طلعلى عفريت قاللى شبيك لبيك
قلت خلاص الذل أنا ودعته ويا عفريت بالطلبات هاهريك
قالى هأوأو يا إنسان داناالعفريت بن الجان
ما يهمنيش مكان وزمان واطلب وعندي البرهان
قلتله عاوز قمح زُرع فى مصر ومسؤولين يبطلوا فشر
وحكومة متعصرنيش عصر ومرتب يسترنى لآخرالشهر
وعاوز عيش بدون طوابير وحكومة ضد التبذير
وانتخابات من غير تزوير ورئيس سابق أشوفه كتير
وعاوز فى بيتى كيلو دقيق وسبب مقنع لأى حريق
ومجلس شعب بدون تصفيق وفى كأس العالم لينافريق
وعاوز أزور شرم الشيخ وصباعين كفتةاللى فى السيخ
وأشرب مرة عصير بطيخ وأخرج من القسم بدون تلطيخ
ونفسى الضحكة ترجع تانى وحتة لحمة كندوزأو ضانى
وجنيه مصرى زى البرانى ورصيف للمشى أناوخلاّنى
رد العفريت عليا بغشم وقال يا مصرى ماكنش العشم
بص.. أنا ممكن أنقلك الهرم واسدلك الأوزون اللى اتخرم
وأرجعلك الأكل اللى اتهضم وأعملك بقرة من الغنم
وأعملك قصر من العدم وأقولك معنى شرم برم
بس طلباتك طلبات ملموس عقله خلاص أكله السوس
ده تخطيط يا بنى ومدروس إنك تعيش على طول موكوس
وأحنا بناخد منكوا دروس إزاى نخلى العفريت متعوس
ويا رب ترجعنى تانى الفانوس وزى بعضه أعيش محبوس
بدل ما أخرج واتبهدل زيك وأعيش موكوس على متعوس
الرجوع الى أعلى الصفحة اذهب الى الأسفل
http://elgabry.yoo7.com
 
هى دى مصر من نظر العفاريت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنــتــدى أ/إبــراهــيــم الـجـابــرى :: الــعـــام :: الضحك-
انتقل الى: